Əllərimiz səmada
Cavi DAN
Bir səhranın
iki azmış dərvişi -
mən qadın,
sən kişi.
Gözlərimizdə
ilğım rəqs edir hərdən -
mənim üçün sən,
sənin üçün mən.
Ruhlarımız çırpındıqca
dalğalanır səhra -
dəli dərya kimi.
Hər qum bir su damlası,
hər damla bir yalan -
hər sevda kimi.
Ayaqlarımız
bir-birinə zəncirlənmiş -
uzun-uzun,
ağır-ağır.
Əllərimiz səmada...
Bax, kimsə də bizə baxır
arxasından Günəşin -
kədər axır gözlərindən.
Ahh, dərvişim...
Səhramıza yağış yağır...
© Müəllif hüquqları qorunur! Mətndən istifadə etdikdə istinad mütləqdir!
