Anam, mən şəhid oldum...
Şəhidlik necə olur -
Mən ona şahid oldum.
Yurduma qurban oldum
Şirin canımla, anam.
Suvardım torpağımı
Qızıl qanımla, anam.
Şahanə dur, şax dayan,
Sil gözünü, ağlama
© Müəllif hüquqları qorunur! Mətndən istifadə etdikdə istinad mütləqdir!
Oddan paltar gey, anam.
Məğrur dur, yas saxlama,
Anam, xeyir-dua ver.
Qisasımız alınsın,
Yurdun hər addımında
Zəfər marşı çalınsın.
Sancılsın bayrağımız
qanımız axan yerə,
Toqquşduqca mərmilər
şimşəklər çaxan yerə.
Onda qanım tökülən
Torpağa qoyaraq baş
Ağlarsan hönkür-hönkür,
Sızlarsan yavaş yavaş.
Alındıqca halallıq
torpağın daşlarından
Anam, göyərəcəyəm
Sənin göz yaşlarından
© Müəllif hüquqları qorunur! Mətndən istifadə etdikdə istinad mütləqdir!
© Müəllif hüquqları qorunur! Mətndən istifadə etdikdə istinad mütləqdir!
