Gəlmişik
ey dadi bidad danəndə dəhan dərviş d...
itirib yuxumuzu qaranlıqda gəlmişik
dağlara sayqı duyub sulara sirr tökmüşük
gündüzlər işıqları min bir dərman bilmişik
uymayıb görüntüyə ac da tox da gəzmişik
qəlbimizin ağrısı ruhumuzun əzabı
göylərin sərgüzəşti əzalarımda yazı
mürşidlərin nəfəsi rüzgarların avazı
qarlar altda girməyə dağ oğlu dağ gəlmişik
dərələr çöllər düzlər bizsiz almaz mənasın
tutduq bu xərabədə biz allahların yasın
ən şah budaqlar verib ən iri al almasın
qaralar geyinmişik biz ona ağ gəlmişik
səfimiz sıralandı süfrəmiz çörəkləndi
göylər cihad hayqırdı mələklər yaraqlandı
abdallar yarı qanıb aşiqlər havalandı
sandılar biz ölmüşük sən demə sağ gəlmişik
sollar yanğın içində sağlar çoxdan savulmuş
dərvişlərin nəfsindən xərabələr qov almış
adəmlə həvva nənə indi cənnətdən çıxmış
üstümüzdə günah çox dinə çılpaq gəlmişik
divlərin qarşısında gəl çıxarma səsini
bas səbrini bağırma sil hikkəni hirsini
şeytanlardan aldığın o şanlı irsini
qoruyursan
ama biz başda papaq gəlmişik
Osmanlı qurulur
ya qurulmur
ey dadi bidad danəndə dəhan dərviş d...
bu dağların sürüsünün
hər qoyunun(dan) yunundan qırx xalı çıxar
yaransın da yaransın o
Osmanlı görək zodunu
sultana dağlardan qəflə- qatırla
karvan karvan xalı kilim
güllü fərməş göndərək
onun üçün könlümə düşüb bu sürünün
mışıl- mışıl (fışıl- fışıl) göy otları qırpması
osmanlının paytaxtı olur könül şəhrim
alosmanın gözlərim olar qoşa qapısı
vaxt gedir sürü otlayır gün savılır
nə deyirsən bu Osmanlı qurulur ya qurulmur
mələrtiyə bax qoçun mələrtisinə
dağa cingilti salır dağı dəmir eləyir
dövlət də dəyir toxunur
bu dağlarda qoyunun səsinə
qayıbdan sultanım əmir ələyir
sürü otlayır yunu çoxalır gün savılır
xalılara naxış vuraq ilmələri
dəyişək çeşniləri təzələyək
inzivamızda görək
AlOsmanlı qurulur ya qurulmur...
Ümmətin türküsü
ey dadi bidad danəndə dəhan dərviş d…
bir özgə oyundur derlər
bir özgə oyunku
üzümdə çərx bulayır sular üzürsən
namından bəqa silkinir eyvallah
bərzah isminlə toxunur bir adla
dağı düzdə qalmış sehrkarın
kahinliyi can içində itib derlər
yarınar hökmünə haqq bul məqbul say
dözülməz sirri cana yakıştırmırıq eyvallah
eyhamı sığınmış baxış bizlik döyül
səbrin hirada qurdbasardı eyvallah
indi bu aləmlər nəyə yarar dersən
hankı ruhu barındırar gülə təmas edər
söz sönər. sonundan qövmlər
dartınar eymənmə
mömün otururkən namaza
dirilər gəlib getmişlər
kəsilməz qiraəti ümmətin-ruhuna
oturmuş zaman var
eyhamı sığınmış baxış bizlik döyül
səbrin hirada qurdbasardı eyvallah
Doymaz yoxdan
ey dadi bidad danəndə dəhan dərviş
gəlsin gələcək ruhuma hər kim
güllər saçaraq vadilər açsın aşsın
dağlar qoruyan könlümə hakim kim
səsin göyə çəkən lal quşsan
hilalımsan quşun lalısan
hu-ya kül çıxarar hərcayi söz
bəklər sinəmi qayğılar ahdan
dağlar qapılar səcdəyə köçdən
dərviş bular ahın axar arxı bular dərviş
dərviş baxışı doymayır yoxdan
ey dadi-bidad can kəsilir yolca
dövran süsünü bakirə saklar
ulduz alışar taxta qonar gül
gəl gəl gəl gəl
heyran kəsilər qanıma o bihuş oxlar
Can var qan qan
ey dili qafil fil faili məchul fani f…
gülşən bəzənər üz daralarkən
ıssız dərədə qayğuya can var can can
ahəstə enərkən qara kiprik qara qara
səsi quş uyudan qan var qan qan
qalxdıqca məzardan hər sabahlar
röyamda naz eyləmiş qovaqlar
söndükcə alışdıqca çıraqlar alışdıqca yandıqca
əvvəldə axır axırda son var son son
ey dadi-bidad sir açılar nur açılmaz
göylərdə hilal qönçələrdə sur hilal göylərdə
bərzahda dönən qovğalara gəl də sahab dur
dərviş nəfəsiylə yürür qanında qan var
qan qan gül vargül gül
Gələr
ey dili qafil fil faili məchul fani f…
dərələr sis duman.
yolda yatan yalquzağa çöl gərək yolda
çəksə də hər kim əzabın çiçəkdən hər kim
şanı dolar qanı axar bal gələr qanı
göydə uçan quş qanadın ilmələr göydə
bir-birinə can deyibən kəlmələr can
sinəm qalxıb-endikcə can dəmlənər sinəm
mərə bağdad qərib ötər yol gələr bağdad
ay biçarə al qələmi yol qoru biçarə
görmürsənmi havan çəkir yuxarı havan
köhnə yurdda əzizlədik baharı köhnə
təzə yurdda yayımız da qar gələr təzə
Car çəkən
ey dadi bidad danəndə dəhan dərviş d…
car çəkəm qafil canım calana
dolanam bu ərzi ləli-ləli
dolanam bu halınan kösöy-kösöy
carım cırıla canımın çarmıxında
nəfəsim quş kimicə dimdik ata
ya uça kölgəsini ərşə saça
car çəkəm car çəkəm car çəkəm
nə çəkəm nə çəkəm bir mən çəkəm
fələyin oğurlayam fərasətin
itin qurdun adamın cəm-cəm cəmləyəm
bu dağı bu daşı yar-yar yavıncı salam
od vuram canlara çatırtısında qollanam
nə mərə yağı nə gərəkli dost buluna
utanmaya üzüm yaşarmaya gözüm
car çəkəm qafil carım ərşi qarsa
göy səpə yer-yurd təpə sular ləpə
imdad diləyə nəfəsimdən uçar quşlar
deyərəm dilinizi açaram adamcasına
qorxudan tökülən lələklərini dənnərəm
hal içindəyəm içindəyəm. inildəyəm
çarmıxlı carımı yelpikləyib lələklərnən
aləmlərə nəfəs göndərirəm. mən dərirəm
neyləyim söylədir ötələri dilim dönüncə
viranəliklərə gül düzəldir nəfəsimcə
kəfil olmur halıma varlığım da
bir sözün əhədiylə satır məni
bir canın dəyəriylə alır qafil…
"A" piri
ey dili qafil fil faili məchul fani f…
su gizli sirdir axar - mən yanmasam
naçaram qibləgahım ram-aram
sözdən bir "a" düşməklə nolur bəyəm
"a" ələstə söz dolur pərən birəm
naçaram qibləgahım ah varam
dönürəm çərxi fələk məst eləyir
dururam rahat qəmim artır sitəm
bəni aləmdə di gəl yoxdu yaram
həngamə o vaxt qopar can qabara
nədir məni izləyən qarabaqara
eylərəm bircə çimdik can şirini
havaya sovrularsa hovum yorğa
özgə vaxtlarda sorma biçarəyəm
sarsılmayınca varım bitməz çiləm
neylərsə o eyləyər bu eyləməz
döllənməz qarşımda küy udqum bitər
sənin xəyal şəhrində sərsəriyəm
bəriyəm möhlət bitər zaman bitməz
çəkilməz əyyamlardan yağma nisyə
sənə bir can dilərəm ah-a məqam
dilərəm cəm dilərəm meyxanəyəm
bəyəm məndən qaçır açır naz ilə gül
dil sözə söykənməsə haqqa nə sirr
düşərsə qəlbə ışıq mərdü-mərdə…
sənin xəyal şəhrində sərsəriyəm
Gələrəm
ey dili qafil fil faili məchul fani f...
göylərin qapısı açılır şaqq şaraq
boşaldır gözlərini boşaldır bir daraq
çevrilir dəftərdən çevrilir bir varaq
hayana üz tutsam o yana dönərəm
sən məni səsləsən ardınca gələrəm
sabahlar açıldı diricə gözümlə
sözlərim dən tutdu sinəmin başında
surətin çəkilməz olubdur başımdan
xeyirdi içimdən nə xəbər dışımdan
bir baxış bəs eylər izinə düşərəm
hayana üz tutsam ardınca gələrəm
bu dəvə yüküylə quş kimi səkərəm
dağları düzərəm təsbeh tək çəkərəm
bu fani gücümlə mən nələr çəkərəm
gətirrəm amanat getdiyin yerlərə
bir əlac bulunar bizim də dərdlərə
bu nədir səsini başına salıbsan
gedənə gedibsən qalana qalıbsan
bəs nədən dəryalar qoynuna dalıbsan
işarət əhliyik bildirsən vədəni
yoxsa ki xəyalın boğmaqdır bəndəni.
© Müəllif hüquqları qorunur! Mətndən istifadə etdikdə istinad mütləqdir!
© Müəllif hüquqları qorunur! Mətndən istifadə etdikdə istinad mütləqdir!
