Cümhuriyyət şəhidlərinə
İstiqlal baharında,
Doğma ana diyarında,
Məzarı itkin oğullar.
Gözəl arzu şəhidləri
Azad niyyət şəhidləri
Cümhuriyyət şəhidləri
Bayramınız mübarəkdi.
Sürgün olub qışda, qarda
Uzaq-uzaq diyarlarda
Məzarları qərib olan
Ruhlarının gözü dolan
O günlərin şahidləri
Cümhuriyyət şəhidləri
Bayramınız mübarəkdi.
Xalqın mərdi, safı, xası.
Millət sevən, el arxası,
Qorxmaz, nurlu işıqları
Ey hürriyyət aşiqləri,
Siz yıxdınız zülmü, şəri.
Cümhuriyyət şəhidləri
Bayramınız mübarəkdi.
Ucalıbdı bayraq, enməz!
Bu od-ocaq bir də sönməz!
İstiqlal - ruhumuzdur
Biz ölərik, ruhlar ölməz!
Biz çoxuq, bu Vətən təkdi.
Cümhuriyyət aşiqləri
Yüz illiyin mübarəkdi,
Ruhunuza and içirik
Minilliyin gələcəkdi,
Bayramızın mübarəkdi!
23.05.2018
© Müəllif hüquqları qorunur! Mətndən istifadə etdikdə istinad mütləqdir!
