Sərbəst esse-poema
Danışanda yavaş danış,
səsini ucadan çıxarma,
onsuz da səsini eşidən olmaycaq.
Əgər sən içində Allahla danışa bilmirsənsə,
qışqırmağın mənası yoxdur;
səsini birinci Allah eşitməlidir.
Allah qışqıranları sevmir.
Qışqırırsan, nədən ötəri, kimdən ötəri?
Bircə Allahla danışılan səsi
heç kim batıra bilmir.
Çünki göyləri yarıb keçən bu səsin yolu
birbaşa Allahadır.
Göylər də Allahın əlindədir,
ona görə qışqırmağın mənası yoxdur.
Danışanda yavaş danış...
Heç olmasa, küləyə baxıb ibrət götür.
O külək ki, buludları bezdirəndə,
ildırım gəlir buludların köməyinə.
İldırım küləkləri yağışla cəzalandırır,
sonra da anidən səsini kəsir...
Göylərdə nizamı pozmaq olmaz.
Yerdəki zəlzələlər fəlakətdir,
heç bilirsənmi, bu zəlzələlərin səsi
nəyə bənzəyir?
Bu səslər İsrafilin Surunun
kiçik qətrələridir.
Bunlar hamısı ibrət səsləridir.
Azan səsinə qulaq asırsınız,
bəlkə də bütün kainat bu səsi dinləyir.
Çünki o səsdə İlahi həqiqət var.
İnsan ona görə ikiayaqlı və
ikiəlli yaranmışdır ki,
ayaqları yerdən üzüləndə,
əlləri ilə göydən imdad diləyə bilsin.
İnsan əlləri ilə göylərə səcdə edəndə,
o səsə birinci mələklər qulaq asır.
Heç bilirsənmi, quşların niyə əlləri yoxdur?
Çünki onlar birbaşa göylərə pənah aparırlar...
Ancaq aslanlar nərildəyəndə,
heç meşələr də eşitmir.
İt niyə hürür, özü də bilmir,
amma karvan keçir.
Çaqqalın ulaması ancaq
meşəni korlayır.
Dəvənin boynu əyri olduğu üçün
göyə baxa bilmir.
Yerin bütün yüklərini dəvə daşıyır.
başqa çıxış yolu da yoxdur,
Onun missiyası ancaq yerlə bağlıdır.
Amma dəvələr də inildəyir,
bu inilti səs deyil, nalədir.
Bəlkə naləsi göylərə çata,
əslində bu, ərşin səsidir, -
nə qədər yük daşımaq olar?
Atlar isə başqadır,
atlar şahə qalxanda
ayaqları yerdən üzülür.
Kişnəməsi ilə birbaşa göyə tuşlanırlar.
Yəqin onlar göydə ağatlı oğlanı görürlər.
Peyğəmbərlərin səsini həm yerdə,
həm göydə eşidiblər...
Həzrəti Məhəmməd peyğəmbərliyə
qırx yaşdan sonra başladı.
O, səsini çıxaranda dünya dəyişdi,
O, dahilərin dahisidir.
Həzrəti İbrahim də, Həzrəti Musa da,
Həzrəti Yusif də vaxtlarını gözləyiblər.
Bircə Həzrəti İsadan başqa,
O, dünyaya səslə gəldi.
Sonra da qeybə çəkildi,
çarmıx şeytan xislətli insanlara
ancaq görüntü idi.
Onun göylərdə yüksək məqamı var...
Mən də içimdə Tanrı ilə danışıram,
səsim içimdə çağlayır,
heç dənizlər, ümmanlar
belə çağlaya bilməz.
Mən indi səsimi içimdən çıxarıram,
deyirəm ki, şeytan həmlələrinə
ən çox bizim yurdumuz məruz qalır.
Çünki Tanrının Od elmi və Ağ elmi
bizim yurddadır.
Bu, bizə maqlardan qalan yadigardır.
Quranda da buna işarətlər var.
Şeytanı təcəssüm edən qüvvələr
bunu yaxşı bilirlər.
Şeytani qüvvələr bu elmləri ələ keçirib
yurdumuzu müqəddəslikdən
uzaqlaşdırmaq istəyirlər.
Nail ola bilməyəcəklər...
Ariflərimiz və müdriklərimiz ruhi əlaqələrlə
bu elmləri göz bəbəyi kimi qoruyur.
İsa Muğanna bu elmi bilirdi,
bu elmin sehrlərini öz ruhunda daşıyırdı.
O, mələklərin çiynində cənnətə getdi.
Erməni-daşnaklar şər qüvvələrin
ruhi daşıyıcılarıdır.
İmperiyanın mürtəce qüvvələri və
erməni-daşnaklar İsa Muğannanı fiziki
cəhətdən məhv etmək üçün hər cür
fitnə-fəsadlara əl atırdılar.
Heydər Əliyev bunu bilir,
İsa Muğannanı qoruyurdu.
Bütün şər qüvvələr onun
müdrikliyi qarşısında aciz duruma düşürdülər.
Əslində Heydər Əliyev İsa Muğannanı
qorumaqla yurdumuzun Od elmi və Ağ elmini
qoruyur, bu elmlərin gələcək nəsillərə
ötürülməsini şərtləndirirdi.
Yurdumun səmalarında gizli və müqəddəs
elmlərin şölələnməsi şər qüvvələrin intiharıdır.
Şeyx Nizami Gəncəvi, Həsən bəy Zərdabi də
yurdumuzun Od və Ağ elminə bələd idilər.
Sonda xeyir qüvvələr şər qüvvələrə qalib gəlir.
Erməni hər vaxt insanlığa xəyanət etmişdir.
Dünyanın hər yerində müxtəlif cildlərdə,
müxtəlif simalarda erməni yaşaya bilər,
lakin onların hamısı daşnakdır,
yəni şeytandır...
Terrorizm onlara şeytanın əxz etdiyi
ən alçaq xislətlərdən biridir.
Əlli ildən çox şər imperiyasında
ən uca kürsüləri zəbt edə bilmiş
Mikoyan şeytanın ən qanuni törəməsi idi.
Mikoyan hələ iyirmi yaşında olanda
Şərq dünyasının dühalarından olan Nərimanov
bu şeytanın fitnə-fəsadlarından,
onun alçaq əməllərinin yurdumuza və türklüyə
ağrı-acısız ötüşməyəcəyini demişdi.
İmperiyada repressiyalara Mikoyanın -
bu əclafın çıxışından sonra rəvac verilmişdir.
Hətta Stalin də bu məruzəni oxumaqdan
boyun qaçırmışdı.
Bu məruzəni ancaq şeytanların şahzadəsi
erməni-daşnak Mikoyan oxuya bilərdi.
Leninqrad mühasirədə olanda
ərzaq təminatına cavabdeh olan
daşnak-şeytan Mikoyan şəhər əhalisini
aclıqdan öldürdü.
Onun həmkarı kiçik şeytan Baqramyan
yarım milyon sovet əsgərini
öz nadanlığı üzündən güdaza verdi.
Lakin Mikoyan onu qoruya bildi.
Çünki Mikoyan faciəni başqalarının
üstünə atmağı bacardı.
Həzi Aslanovun hərbi dühası
erməni daşnaklarını çox qıcıqlandırırdı.
Həzi Aslanovun ayağının bildiyini
erməni general və marşalların başı bilmirdi.
Mikoyan-Baqramyan cütlüyü Həzi Aslanovu
çox alçaqcasına aradan götürdü.
Mikoyanın da qorxduğu nəsnələr var idi...
Mikoyan niyə Bakıya gəlməkdən qorxurdu?
Çünki bilirdi ki, Bakıya gəlsə, qulağı kəsiləcək.
Onun ustadı və müəllimi, daşnak-terrorist
Andranikin qulağı bizim yurdumuzda kəsilmişdi.
Mikoyan ömrü boyu bu psixoloji
zədə ilə yaşamışdır.
Qulağının kəsilməsindən qorxurdu,
bu bədbəxt toplumun milli qəhrəmanları
ya tayqulaq olur,
ya da Qaregin Nijde kimi nasist.
Mütəmadi olaraq bu toplumun inanc yeri olan
kilsələrində biabırçılıqlar dünyaya faş olur.
Bu kilsələrdə dinlə bağlı heç nə yoxdur,
burada bütün fitnə-fəsad və
şeytani siyasətin planları cızılır...
Mikoyan həm də ən eybəcər satqındır.
İyirmi altı Bakı komissarını, öz əqidədaşlarını
satan Mikoyan olmuş, özü aradan çıxmışdır.
Stalin bunu bilir, bu faktla onu bambılı sanırdı.
Mikoyan gecə-gündüz Stalinə yarınmaqla
Kremldə özünü Qafqaz qruplaşmasına
sadiq şəxs kimi göstərmək istəyirdi.
Lakin Stalin ölən kimi Qafqaz qruplaşmasına
arxadan zərbə vuran Mikoyan oldu.
Onun Beriyaya nifrəti fərdi deyildi,
Bu nifrət bütün gürcü xalqına
və digər qafqazlılara yönəlmişdi.
Çünki Mikoyan və digər erməni daşnaklar
bilirlər ki, ermənilər qafqazlı deyillər.
Tolstoyun təbirincə deyilsə, ermənilərin
Qafqaza köçürülməsi Qafqaz xalqlarının belinə
arxadan vurulmuş xəncərdir.
Ermənilərin gürcülərə pataloji nifrəti
həm də ondan qaynaqlanır ki,
ermənilərdən fərqli olaraq
gürcülərin tarixi saxta deyil,
gürcülərin Qafqazda köklü və oturaq xalq
olması, bu bölgədə
xristian dininin mənəvi dəyərlərinə
sadiq olmaqla bu dəyərləri qorumaları
erməniləri həmişə qıcıqlandırmışdır.
Saxtakarlıq real faktlardan qorxur.
Fars şovinizmi erməni-daşnak
terrorizmi ilə məsləkdaşdır.
Onları birləşdirən ümumi xislətlər çoxdur,
bunların başında nankorluq dayanır.
Min illər farslar və ermənilər türklərin
hakimiyyəti altında yaşamış,
hər hansı bir təqibə məruz qalmamışlar.
Lakin əllərinə fürsət düşən kimi ermənilər
türkləri cismani, fars şovinizmi isə mənəvi
soyqırıma məruz qoymuşlar.
Fars şovinizminin islama, müsəlmançılığa
heç bir aidiyyatı yoxdur.
Səlib yürüşlərinin qarşısını türklər alanda
farslar türklərə arxadan
zərbə vurmağı düşünmüşlər.
Xilafət saraylarında farsların
törətdikləri fitnə-fəsadlar müsəlman
dünyasının parçalanmasına
hesablanmış addımlar olub.
Farsların yaşadığı ərazilərdə dövlət sarsılıb
yoxa çıxanda, onun xarabalıqları
üzərində Azərbaycan türkləri yenidən
möhtəşəm dövlət qurmuşlar.
Fars şovinizmi Şah İsmayıl Xətai,
Nadir şah Əfşar,
Məhəmməd şah Qacarı unudarlarsa,
nankorluqda tayları-bərabərləri yoxdur.
Pəhləvi İranı anqlo-sakson imperializminin,
molla rejimi isə
fransız imperializminin layihəsidir.
Molla rejimi fars şovinizminin ən idbar formasıdır.
Moizə oxuyanların dövləti
idarə etmək qabiliyyəti yoxdur.
Terrorçu qurumlar yaratmaq
dövləti idarə etmək deyil.
Müqəddəs dinimiz, əhli-beytimizdən
siyasi alət kimi istifadə etmək
Tanrı qarşısında ən böyük günahdır.
Lakin molla rejimi bunu nəzərə almır,
özlərinin siyasi ambisiyaları üçün
müqəddəs dinimizə xələl gətirirlər.
Öz xalqlarını acından öldürüb onların
pulunu terrorçu qurumlara xərcləyənlər
əvvəl-axır Allahın qəzəbinə gəlməlidir.
Bu rejimlərin əkdikləri
İranın qarşısına çıxacaq.
Bunu indi dərk edirlər,
onlar yenidən bir türkü dövlət
başına gətirib İranı xilas etmək istəyirlər.
Lakin artıq qatar getmişdir,
İran dağılmağa məhkumdur,
ya da bu coğrafiyada hakimiyyət
bütünlüklə türklərə keçməlidir.
Fars şovinizmi muxtariyyətə də
həsrət qalmalıdır.
Fransa da iflic olmaq ərəfəsindədir.
Çörçilin Şarl de Qola rəğbəti
İkinci Dünya müharibəsindən sonra
dünya düzənində Fransaya daha çox
və əsassız pay ayrılması ədalətsiz idi.
Fransa bunu haqq etmirdi,
çünki uduzmuş tərəf idi.
Hitler həmişə xoruzlanan Fransanı
üç günə işğal etdi,
bu məğlubiyyətdən sonra Fransa
ümumiyyətlə dünya düzəninə çıxmamalı idi.
Nə yaxşı ki, Qafqazdan olan partizanlar
toparlanıb Fransanı faşist işğalından azad etdilər.
Şarl de Qol nəyə görə tez-tez Bakıya gəlirdi?
O, faşizmə qarşı mübarizə sirlərini
Bakıda öyrənirdi.
Həm də onda macar qanı var idi...
Şarl de Qolun fransızlardan daha çox
azərbaycanlı Əhmədiyyə Cəbrayılova
etibar etməsi
onun uzaqgörənliyindən xəbər verirdi.
Heç Napoleon da fransız deyildi,
o, Fransanı xürafatdan qurtarmaq üçün
yeni tipli imperiya yaratmağı qərara aldı
və bunu bacardı.
Lakin Napoleon bilirdi ki, fransızlar
öz imperatoruna layiq deyillər.
Rusiya ilə müharibədə fransız döyüşçülər
Napoleonu biabır etdilər.
Onlar Moskvada döyüşmək əvəzinə,
talançılıq və əxlaqsızlıqla məşğul olurdular.
Fransanın gücü ancaq dəyənəklə silahlanmış
Afrika xalqlarına çatır,
ya da kiçik ada dövlətlərini ilhaq edirlər.
Avropada onlar türkləri və ingilisləri
görəndə quzuya dönürlər.
Bəlkə buna görə Napoleon deyirdi ki,
mənə qalsa, ordumu
türklərdən formalaşdırardım...
Fransanın indiki rəhbərləri
ermənilərə bacı deyirlər,
fransız hara, erməni hara?
Təhtəlşüurda görən nə nəzərdə tutulur?
Şarl de Qol və Napoleon da əsl şəxsiyyət idilər.
Onların türklərə rəğbəti
türklərin böyüklüyünə görə idi.
Fransanın indiki rəhbərləri
təfəkkürcə çox cılızdırlar.
Onlar ermənilərin pulu ilə
hakimiyyətə gəldikləri üçün türkçülüyə
qarşı avantürist siyasət yeridirlər.
Qorbaçovun ermənilərdən aldığı
qızıl və maliyyə öz başında çatladı.
Sonda ermənilər özü onu pis duruma saldı.
Fransa da məhvə məhkumdur,
vaxta çox az qalıb...
Dünya düzənində türk dünyasının
ulduzu parlayır.
Turan imperiyası müasir,
yeni sivilizasiya deməkdir.
Bu sivilizasiyada ikiüzlü standartlara
yer olmayacaq.
Türk dünyasının birqütblü güc olması realdır.
Heydər Əliyev bütün neft-qaz
kommunikasiyaları ilə türk dünyasını ilkin
mərhələdə birləşdirdi.
Bu, Turan imperiyası yaradılmasının
anonsu idi...
Şeytani qüvvələrin kürkünə
birə düşmüşdü,
onların iyrənc çabaları ürəyində qaldı.
Bu yolda geri dönüş ola bilməzdi.
Çünki müdriklər öz addımlarını
çox uzaqlara hesablayırlar.
Qarabağ erməni terrorizmindən
azad olunarkən, imperialist dünyasında
mənfur qüvvələri sarsıtdı.
Onların səsi hıçqırtılı və titrək idi.
Çünki belə qüdrəti və əzəməti
təsəvvür edə bilmirdilər.
Yurdumuzun bu ədalətli savaşına
imperialist dairələrin atdığı iftiralar
İlham Əliyevin haqlı və məntiqli
çıxışları ilə darmadağın edilirdi.
Bu çıxışlardakı səsin cazibəsi
dünyanı heyrətə salırdı.
Nüvə silahi ilə öyünənlər,
dünyanın hər yerində öz maraqları naminə
dinc sakinləri, qocaları, qadınları,
körpələri, təcili yardım maşınlarını
bombardman edənlərə,
Şuşada kilsənin iki kərpic daşının
qopmasından həyasızcasına
hay-küy qoparanlara nə ad vermək olar?
Abırsızlığın da bir həddi olmalıdır.
İmperialist dünyasının məkrli
planları alt-üst oldu.
Haqq nazilər, üzülməz.
Qırx dörd günlük müharibədə
qazanılan qələbə haqqın və ədalətin
təntənə səsi idi.
Yurdumuzun Od elmi və Ağ elminin
üzə çıxmasının təzahürləri idi.
Bəlkə Tanrı yurdumuza Səs elmi
də ərməğan edir?!
"Zəfər günü" şeirimdə demişəm:
"Vətən qələbələr yürüşündədir",
yeni-yeni qələbələr yürüşündə.
Bunu mənə içimdəki səs deyir,
içimdəki Allahla danışdığım səs.
Bəlkə bunun özü də Səs
elminin bir qətrəsidir?
Xilaskar səs
Qazaxıstanın Aktau şəhəri
yaxınlığında təyyarə qəzaya uğrayarkən azərbaycanlı stüardessa xanım
Hökumə Əliyevanın sərnişinlərin
xilası üçün göstərdiyi fədakarlıq
və həyəcanlı çağırışları bir xilaskar səs kimi dünyanı heyrətə salmışdır.
Dünya çox sarsıldı sənin səsindən,
Bu səs insan səsi, mələk səsimi?
O səsdə Vətənin səsi var idi,
O səslə qırıldı şərin tilsimi.
İtirir göylər də tarazlığını
Yaşamaq uğrunda gedəndə cəngi.
O səsdə rahatlıq tapırdı sanki
Yerin ahəngiylə göyün ahəngi.
Vətən səmasında dan söküləndə
Son dəfə Xəzəri seyr edib keçdi.
Bu dəfə göylərdə insan kimi yox,
Bu dəfə göylərdə mələktək uçdu.
Otuz üç yaşında ömrə son qoyan
Tanrının yolunda cihad edəndir.
Cənnətdə mələklər başsız qalanda,
O, öz sevdiyini şəhid edəndir.
Otuz üç yaşında İsa Məsih də
Xilaskar rolunda qeybə çəkildi.
Bəşərin xilaskar axtaran gözü,
O vaxtdan yerə yox, göyə dikildi.
Kim bilir, bəlkə də mələklər elə
Orda dayanıbmış çiçəklər ilə.
Otuz üç yaşını sən bayram etdin
Yerdə yox, göylərdə mələklər ilə.
O səsdə Vətənin səsi var idi,
Təsəlli qəlbləri isidir axı.
O səsin sehrindən dünya ayılmır,
Bizim od qızının səsidir axı.
Həzrəti İsanın mövlud günündə
Göylərdə həyatla vidalaşdı o.
Qovuşdu əbədi səadətinə
İsa Məsih ilə eyni yaşda o.
Vətən sağollaşdı şanlı qızıyla,
Hikməti böyükdür bir İlahinin.
...Onun bu xilaskar səsində, bəlkə,
Bizə salamı var İsa Məsihin...
© Müəllif hüquqları qorunur! Mətndən istifadə etdikdə istinad mütləqdir!
