Mayın 19-u saat 11:00-da Azərbaycan Nəşriyyatları Assosiasiyası İctimai Birliyi, AMEA Nizami Gəncəvi adına Ədəbiyyat İnstitutu və Nəsimi adına Dilçilik İnstitutunun birgə təşkilatçılığı ilə “Çağdaş ədəbiyyatımızda dil və üslub” adlı elmi-praktik seminar keçiriləcək.
Edebiyyatqazeti.az xəbər verir ki, elmi-praktik seminarın keçirilməsində məqsəd müasir ədəbiyyatımızın redaktə, korrektə, tərcümə və sair kimi problemlərinin müzakirəsi, həlli yollarının araşdırılmasıdır.
Elmi-praktik seminarın məruzəçiləri və edəcəkləri məruzələr:
- “Dil qaydaları və yazı praktikası: ziddiyyətli məqamlar” – Rafiq İsmayılov, “Altun Kitab” nəşriyyatının direktoru;
- “Tərcümənin əbədi dilemması: orijinala sadiqlik, yoxsa mətnin oxunaqlığı?” – Etimad Başkeçid, şair, Azərbaycan Dövlət Tərcümə Mərkəzinin əməkdaşı;
- “Çağdaş kitabçılıqda və ədəbi nəşrlərdə redaktə məsələləri” – Seyfəddin Hüseynli, ədəbiyyatşünas, “Dünya ədəbiyyatı” jurnalının baş redaktoru.
Ünvan: AMEA Ədəbiyyat İnstitutu, 4-cü mərtəbə, elektron akt zalı.
© Müəllif hüquqları qorunur! Mətndən istifadə etdikdə istinad mütləqdir!
