Bu gün M.F.Axundzadə adına Azərbaycan Milli Kitabxanasında Milli Məclisin deputatı, Əməkdar Elm Xadimi, akademik Nizami Cəfərovun Xalq Yazıçısı Elçinin həyat və yaradıcılığına həsr olunmuş “Elçin. Yazıçının yaradıcılıq yolu” kitabının təqdimatı keçirilib.
M.F.Axundzadə adına Azərbaycan Milli Kitabxanasında Milli Məclisin deputatı, Əməkdar Elm Xadimi, akademik Nizami Cəfərovun Xalq Yazıçısı Elçinin həyat və yaradıcılığına həsr olunmuş “Elçin. Yazıçının yaradıcılıq yolu” kitabının təqdimatı keçirilib.
Mədəniyyət və Turizm Nazirliyi və kitabxananın birgə təşkilatçılığı ilə keçirilən tədbirdə respublikanın tanınmış elm, mədəniyyət və ictimai xadimləri iştirak ediblər. Əvvəlcə tədbir iştirakçıları kitabxananın nəzdində olan “Açıq kitabxana”da elektron kitab köşkü ilə tanış olublar.
Tədbirdə Milli Kitabxananın direktoru, professor Kərim Tahirov çıxış edərək yeni nəşrlə bağlı fikirlərini bölüşüb. Xalq Yazıçısı Elçinin əhatəli yaradıcılıq diapazonuna malik olduğunu söyləyən K.Tahirov onunla bağlı belə bir kitabın yazılmasını yüksək dəyərləndirib. Qeyd edib ki, Elçinin bədii yaradıcılığının janr müxtəlifliyi də onun ümumi yaradıcılıq istedadının çoxşaxəliliyi qədər diqqəti cəlb edir: hekayə, povest, roman, dram və bu müxtəliflikdə aydın görünən bir özünəməxsusluq meyarı.
Mədəniyyət və turizm naziri Əbülfəs Qarayev çıxış edərək son zamanlar Milli Kitabxanada keçirilən önəmli tədbirlərin təşkilindən danışıb. Qeyd olunub ki, bu məkanda reallaşan kitab təqdimatları xüsusi əhəmiyyətə malikdir.
Çıxış edən digər natiqlər kitabın məziyyəti, Elçinin yaradıcılığı, habelə yeni nəşrin elmi-tədqiqat məxəzi kimi mükəmməl bir monoqrafiya olduğu barədə fikirlərini bölüşüblər.
© Müəllif hüquqları qorunur! Mətndən istifadə etdikdə istinad mütləqdir!
