Yazar Jalə İsmayılın "Oynamaq istəyən varmı?” kitabı işıq üzü görüb.
7 pyesin daxil edildiyi kitab "Mücrü” nəşriyyatında çap olunub. Pyeslərin redaktoru Rəbiqə Nazimqızıdır.
Xatırladaq ki, yazar "Heykəlin içindəki hekayələr” hekayə (2010) və "Birnəfəsə” şeir (2015) kitablarının, "Rumıniya-Azərbaycan: iki mədəniyyət, sonsuz imkanlar”monoqrafiyasının müəllifidir.
"Oynamaq istəyən varmı?” kitabında yer almış "Güzgüyə inan” monopyesi "KısaGaraj” festivalında oynanılıb (Tiyatro1112Garaj, 2018, Ankara). 2013-cü ildə Azərbaycan Dövlət Yuğ Teatrında "Oxşar” pyesinin oxunuşu keçirilib. 2017-ci ildə isə sözügedən pyes ADMİU-da Əməkdar artist Yaqut Paşazadənin rəhbərlik etdiyi kursda tələbələrin iştirakı ilə səhnələşdirilib.
Jalə İsmayıl "Nəsimi” Milli Ədəbiyyat Mükafatının (2008), "Azadlıq radiosu” Milli Ədəbiyyat Mükafatının (2011) laureatı, "Craiova Drama 2015” Beynəlxalq Dram Müsabiqəsinin (2015, Rumıniya) qalibidir.
artkaspi.az
© Müəllif hüquqları qorunur! Mətndən istifadə etdikdə istinad mütləqdir!
