Azərbaycanlı şair Ümid Nəccarinin kitabı Serbiyada işıq üzü görüb.
Bu barədə Edebiyyatqazeti.az -a məlumat verən müəllif bildirib ki, kitab “Sunny Beach” nəşriyyatı və “Alma” yayınları tərəfindən Belqradda çap olunub. Şeirləri Serbiya dilinə tərcüməçi Sofija Sotirovski çevirib.
Kitabın necə ərsəyə gəlməsi haqqında danışan müəllif bizimlə hisslərini də bölüşüb: “Belqradda "Alma" nəşriyyatının rəhbəri təsadüfən ingiliscəyə tərcümə olunan şeirlərimlə rastlaşıb. Mənə mesaj yazdı və kitabımı çap etmək istədiklərini bildirdi, mən də razılaşdım. Bu, sevindirici haldır ki, bir nəşriyyatın rəhbəri şeirlərimi oxuyub, bəyənib və bəyəndiyi yazarların əsərlərini nəşr edir."
Qeyd edək ki, Ümid Nəccari 3 kitab müəllifidir və indiyə qədər bir sıra ölkələrdə - Amerika, İtaliya, İspaniya, Rusiya, Gürcüstan, Özbəkistan, İraq, İran, Türkiyə, Çili, Çexiya, Qazaxıstan və bir çox ölkələrin mətbu orqanlarında şeirləri və yazıları tərcümə olunaraq işıqlandırılıb.
© Müəllif hüquqları qorunur! Mətndən istifadə etdikdə istinad mütləqdir!
