Edebiyyatqazeti.az xəbər verir ki, ötən həftə Azərbaycan Yazıçılar Birliyi Sumqayıt bölməsinin təşəbbüsü və təşkilatçılığı ilə Sumqayıtdakı Poeziya evində Azərbaycan Yazıçılar Birliyi Sumqayıt şöbəsinin ideya müəllifi, yaradıcısı və uzun illər ona rəhbərlik etmiş şair Sabir Sarvanın xatirəsinə həsr olunmuş “Xatırlasaz, xatırlansam” adlı tədbir keçirilib.
Tədbirdə şəhər ziyalıları, şair və yazıçılar iştirak edib.
Millət vəkili Aydın Hüseynov, Filologiya Elmləri Doktoru, tənqidçi Vaqif Yusifli, Təhsil Nazirliyinin təhsilin inkişafı proqramları şöbəsinin sektor müdiri Vidadi Bağırov, Respublikanın Əməkdar artisti Ağalar Bayramov, Azərbaycan Vətən Müharibəsi Veteranları ictimai birliyinin sədr müavini Sərxan Mehdiyev, Filologiya Elmləri Doktoru, professor Rafiq Yusifoğlu, jurnalist Əli Çərkəzoğlu, yazıçı- ssenarist Hafiz İmamnəzərli, şairlərdən Ofelya Babayeva, Əşrəf Veysəlli, Zirəddin Qafarlı, Həmid Ormanlı və AYB Sumqayıt bölməsinin sədri Gülnarə Cəmaləddin çıxış edərək Sabir Sarvan şəxsiyyətinin və yaradıcılığının məziyyətlərindən söz açıblar.
Sabir Sarvan adına Uşaq Poeziya Teatrı üzvlərinin ifasında səslənən şeirlər, Sumqayit şəhər 1 nömrəli Usaq-Gənclər İnkisaf Mərkəzinin üzvlərinin ifasında səslənən mahnılar tədbir iştirakçıları tərəfindən maraqla qarşılanıb.
Həmçinin S.Vurğun adına Mərkəzi Kitabxananın Sabir Sarvanın həyat və yaradıcılığını özündə əks etdirən kitabların sərgisini təşkil edib. Sonda ailə üzvləri adından şairin qardaşı Mahmud Məlikov tədbir iştirakçılarına və təşkilatçılarına minnətdarlığını bildirib.
© Müəllif hüquqları qorunur! Mətndən istifadə etdikdə istinad mütləqdir!
