Bu il Azərbaycan aşıq yaradıcılığının görkəmli nümayəndəsi, Əməkdar incəsənət xadimi Aşıq Şəmşirin anadan olmasının 125 illiyi tamam olur.
Mədəniyyət Nazirliyindən bildirilib ki, bu münasibətlə C.Cabbarlı adına Mərkəzi Kitabxananın oxu zalında Qax rayon S.Vurğun adına Mədəniyyət Mərkəzi və C.Cabbarlı adına Mərkəzi Kitabxananın birgə təşkilatçılığı ilə Aşıq Şəmşirin 125 illiyinə həsr olunmuş “Xalq ruhunun tərcümanı” adlı ədəbi-bədii tədbir keçirilib.
Tədbirin qonaqları Aşıq Şəmşir yaradıcılığından, onun bitib tükənməyən söz dünyasından söhbət açaraq əsərlərindən nümunələr səsləndiriblər. Tədbirin qonağı aşıq Şəmşir yurdu Kəlbəcərdə yaşamış, şair Hümmət Əmrahov aşıqla bağlı xatirələrini bölüşüb, ona həsr etdiyi şeir nümunələrini tədbir iştirakçılarının diqqətinə çatdırıb. /Azərtac/
© Müəllif hüquqları qorunur! Mətndən istifadə etdikdə istinad mütləqdir!
