Mayın 31-də Azərbaycan Yazıçılar Birliyinin (AYB) “Natəvan” klubunda şair-publisist, telejurnalist Avdı Qoşqarın 60 illik yubileyi qeyd edilib.
"Ulduz” jurnalının baş redaktoru, Əməkdar Jurnalist Qulu Ağsəs yubilyarın yaradıcılığından və yenicə çapdan çıxmış “Gəlmişəm dünyanın dərdini çəkəm..” və “Bu çay bu yatağa sığmaz” kitablarından söhbət açıb. Tədbirdə filologiya elmləri doktoru, Bakı Slavyan Universitetinin kafedra müdiri Rüstəm Kamal, yazıçı-publisist Sadıq Elcanlı, şairlər Vaqif Bəhmənli, Əlisəmid Kür, Əli Rza Xələfli və başqaları A.Qoşqarı telejurnalist olmaqla yanaşı, pafosdan uzaq, səmimi yaradıcılığa malik, doğulduğu torpağını, ölkəsini sevən vətəndaş, zövqlü qələm sahibi kimi dəyərləndiriblər.
Tədbirdə bədii qiraət ustası, Xalq Artisti Eldost Bayram şairin şeirlərindən səsləndirib.
Sonda A.Qoşqar yeni şeirlərini oxuyaraq kitablarını oxucularına təqdim edib.
© Müəllif hüquqları qorunur! Mətndən istifadə etdikdə istinad mütləqdir!
