17 mart 2026-cı il tarixində Atatürk Mərkəzində tanınmış yazıçı, ssenarist və publisist Orxan Fikrətoğlunun 60 illik yubileyinə həsr olunmuş tədbir (dəyirmi masa) keçirilib.
Tədbirdə ölkənin ictimai-siyasi xadimləri, ədəbiyyat və incəsənət nümayəndələri, media təmsilçiləri iştirak ediblər.
Tədbirdə akademik Nizami Cəfərov, Xalq şairi Sabir Rüstəmxanlı, Türkiyəli yazıçı İmdat Avşar, Azərbaycan Respublikasının mədəniyyət nazirinin müavinləri Səadət Yusifova və Murad Hüseynov, şair Əkbər Qoşalı, Azərbaycan Yazıçılar Birliyinin katibi İlqar Fəhmi, Əməkdar jurnalist Etibar Babayev, Azərbaycan Mətbuat Şurasının İdarə Heyətinin sədri Rəşad Məcid, Beynəlxalq Avrasiya Mətbuat Fondunun prezidenti Umud Rəhimoğlu, şair, publisist Fərid Hüseyn, yazıçılar Rüstəm Dastanoğlu və Şərif Ağayar, “Ədəbiyyat qəzeti”nin baş redaktoru, ədəbiyyatşünas Azər Turan, tənqidçi-ədəbiyyatşünas Nərgiz Cabbarlı, Rəhim Sadıqbəyli, kinoşünas və kinorejissor Cəmil Quliyev, yazıçının bacısı, şair Aysel Fikrət və digərləri çıxış edərək Orxan Fikrətoğlunun çoxşaxəli yaradıcılıq yolundan bəhs edib, xatirələrini bölüşüblər.
Orxan Fikrətoğluna yubileyi münasibətilə Türk Ədəbiyyatı Vəqfi, Gürcüstanın Ümumilli Şota Rustaveli Fondu, Azərbaycan Respublikasının Milli Məclisinin Mədəniyyət komitəsi, Azərbaycan Respublikasının Milli Məclisinin İctimai birliklər və dini qurumlar komitəsi, Beynəlxalq Mediya Qurumu İsveç , Alman-Azərbaycan Cəmiyyəti, eləcə də Beynəlxalq Avrasiya Mətbuat Fondu tərəfindən mükafat və diplomlar təqdim olunub.
Tədbirin sonunda Orxan Fikrətoğlu çıxış edərək təşkilatçılara, həmçinin tədbiri idarə edən Nizami Cəfərova təşəkkürünü bildirib, bu cür görüşlərin yaradıcılıq fəaliyyəti üçün mühüm mənəvi stimul olduğunu qeyd edib.
© Müəllif hüquqları qorunur! Mətndən istifadə etdikdə istinad mütləqdir!
