Rusiyanın Yamalo-Nenets Muxtar Dairəsinin ən qocaman mətbu orqanlarından olan “Vremya Yamala” qəzetində azərbaycanlı yazıçı, AMEA-nın “Elm” nəşriyyatının direktor müavini Vüqar Haqverdiyevin “Pis uşaqlar planeti” pyesi və onun əsasında nenets dilində hazırlanmış eyniadlı tamaşa haqqında xüsusi reportaj dərc edilib.
AZƏRTAC xəbər verir ki, həmin reportajla bu linkdə - https://yamaltv.ru/premera-v-stenah-rodnoj-shkoly/ tanış olmaq olar.
Qeyd edək ki, sözügedən tamaşa Muxtar Dairənin Seyaxa İnternat Məktəbində təlim-tərbiyə alan, valideynləri köçəri həyat tərzi sürən uşaqların ifasında təhsil müəssisəsinin nəzdində fəaliyyət göstərən "Labteyko (Nağıl sandıqçası)" teatrında hazırlanıb. Martın 21-də premyerası keçirilən səhnə əsərinin quruluşçu rejissoru və tərcüməçisi teatrın rəhbəri Klavdiya Salinderdir.
© Müəllif hüquqları qorunur! Mətndən istifadə etdikdə istinad mütləqdir!
