"Zəfər yolu - Bu yol şərəf-şan yoludur..." - Ramiz DUYĞUN

Şeir

 

Zəfər yolu

 

Prezident, Silahlı Qüvvələrimizin

Ali Baş Komandanı İlham Əliyev

Əhmədbəyli-zuli-Şa yolunu

r yolu adlandırmışr

 

 

Şuşa bizim tariximiz,

Şöhrətimiz, şanımız.

Şuşa bizim ağ yolumuz,

Ulduzlu kəhkəşanımız.

 

Bu yol şərəf-şan yoludur,

Bu yol kəhkəşan yoludur.

 

Otuz ildən bir az çox

Ali Baş Komandanın nigaran ürəyində

Baharlayıb, qışlayıb.

Bu yol otuz il əvvəl,

Ali Baş Komandanın ürəyindən başlayıb,

Ürəyində yatıbdır.

 

Neçə ay bundan qabaq,

Bu yol yoluna düşüb

Deyirlər, lap az qalıb

Yol Şuşaya çatıbdır...

 

Bu yol qəvi millətimin

Ölməzliyə üz tutan

Əbədi səfər yolu!

Amalından dönməyən,

Əbədi Zəfər yolu!

 

Bu yol Həqiqət yolu,

Bu yol Ədalət yolu!

Onun müdrik memarı,

Ali Baş mühəndisi

Bu yolun canı, qanı,

Ali Baş Komandanı

İlham Ulu Öndər oğlu!..

 

Şəhidlərin qanı ilə,

Qazilərin canı ilə

Suvarılıb, yoğrulub

Yolun hər qarışının

Qara daşı, torpağı!

Diqqətlə bax, görərsən

Onun hər addımında

Sən üçrəngli bayrağı!..

Bu yol şərəf-şan yolu,

Bu yol kəhkəşan yolu.

Bu yol üstdə

Dizi üstə sürünmüşük,

Üzü üstə sürünmüşük.

Qanımıza bələnmişik,

Qanımıza bürünmüşük.

 

Bu yol Şuşada bitmir,

Ancaq Şuşaya getmir.

Bu yolun daşı qara,

Məramı, üzü ağdır.

Son mənzili uzaqdır!..

 

Qoy düzlənsin millətlər,

Sıralansın sərhədlər.

Tamaşaya çıxsınlar.

Qızıl qanımız hopmuş

Şanlı Zəfər yoluna -

Kəhkəşana baxsınlar...

 

Bu yol millətimizin

Qüdrəti, qürurudur!

Qəhrəman xalqımızın

Əbədi baharıdır!

 

Əsrlərlə ağlayan

Əsrlərlə yaş töksün.

Xalqımın şad günündə,

Millətimin önündə

Yalvararaq diz çöksün!..

 

Bir də görsün gücünü

Mənim Ədalətimin,

Mənim Həqiqətimin!

 

Zəfər bizim  Qüdrətimiz,

Zəfər bizim Fitrətimiz!

Bir də görsün

Zəfər yolu,

Bizim Həqiqətimiz!

 

Biz Haqqın övladıyıq,

Biz Haqqın anasıyıq.

Biz Haqqın, Ədalətin

Ləkəsiz aynasıyıq!

Haqdan yaranıb bizim

Od canlı torpağımız.

Haqdan gəlibdir bizim

Üçrəngli bayrağımız!..

 

Şuşa bizim tariximiz,

Şöhrətimiz, şanımız.

Şuşa bizim ağ yolumuz,

Ulduzlu Kəhkəşanımız!

 

Zəfər yolu -

Bu yol şərəf-şan  yoludur,

Bu yol kəhkəşan yoludur!..

 

Bakı, 30 avqust 2021


© Müəllif hüquqları qorunur! Mətndən istifadə etdikdə istinad mütləqdir!