.jpg)
Allahım! Məni - məndən qoru,
bəndən qoruya bilməz məni.
Bəndənə tapşırma - mən bəndəni,
Səndən qoruya bilməz məni.
20.07.2019
Uşaq görür
Uşaq özü də bilmir haçandan,
Dünyaya gözünü açandan,
Ağzında yalançı məmə,
rezin əmzik əmə-əmə.
Uşağa dedilər:
yalan danışma,
yalan demə!
Uşaq böyüdü yalannan,
ağlı kəsəndən
söz qanandan.
Gördü oğurlayıb evə daşıyırlar,
Yeyirlər, yedizdirirlər, yaşayırlar.
Sonra da deyirlər:
Bala, haram yemə!
yalan demə!
Yuxarıda hər şeyi Allah görür ha!!!
Yerdə uşaq,
Göydə Allah...
Görə-görə, baxa-baxa.
Namaz üstə yalan deyirlər Allaha...
Sizə nə deyim daha...
Nə cavab verək dan yerinə,
Açılan nurlu sabaha...
Hər halda bunu bizdən,
bir soruşan olacaq,
biz yaradan uşaq da,
bizi yaradan Allah da
pərişan olacaq.
29.07.2019
© Müəllif hüquqları qorunur! Mətndən istifadə etdikdə istinad mütləqdir!
© Müəllif hüquqları qorunur! Mətndən istifadə etdikdə istinad mütləqdir!
