Doğmadır canımız, gözümüz kimi, Adı da müqəddəs sözümüz kimi; Özümüz kimidir - özümüz kimi Hər qarış torpağı Cümhuriyyətin!
Şərqi də, Qərbi də təzə xəbər tək
Dolaşıb sorağı Cümhuriyyətin;
Bakıda, Gəncədə şölələnərək,
Nur saçıb çırağı Cümhuriyyətin!
Amalı, əməli düz dəst-xətt idi,
Dostlar sevinəndə düşmən pərt idi;
Birlik, bərabərlik, ədalət idi
Mötəbər dayağı Cümhuriyyətin!
Verir xainlərə ibrət dərsini,
Yayır Azərbaycan haqqın səsini;
Heyrətə gətirir Yer kürəsini
Bugünkü növrağı Cümhuriyyətin!
Doğmadır canımız, gözümüz kimi,
Adı da müqəddəs sözümüz kimi;
Özümüz kimidir - özümüz kimi
Hər qarış torpağı Cümhuriyyətin!
Azadlıq məşəli yanıb-yanacaq,
Millət keçmişini anıb-anacaq;
Enmədən həmişə dalğalanacaq
Üçrəngli bayrağı Cümhuriyyətin!
© Müəllif hüquqları qorunur! Mətndən istifadə etdikdə istinad mütləqdir!
