Nazarbayev Azərbaycanlı yazarı təltif etdi

 

Edebiyyatqazeti.az xəbər verir ki, şair-publisist Əkbər Qoşalı Qazaxıstan Prezidenti Kasım-Comərt Tokayevin 03 iyul 2020-ci il tarixli təqdimatı, qardaş ölkənin Elbaşı Nursultan Nazarbayevin imzası ilə medalla təltif edilib.

Qazaxıstanın Elbaşı, türk dünyasının ağsaqqalı Nursultan Nazarbayevin imzası ilə verilən medal məhz Nursultan Nazarbayevin təşəbbüsü ilə qurulmuş və onun başqanlığı ilə fəaliyyət göstərən Qazaxıstan Xalqı Assambleyasının yaradılmasının 25 illiyi münasibəti ilə təsis olunub.

Qeyd edək ki, imzası və ədəbi-ictimai fəaliyyəti türk ölkə və topluluqlarının, o cümlədən Qaza­xıstan yeni nəsil yazarları arasında yaxşı bilinən Əkbər Qoşalı, bundan öncəki illərdə, qardaş ölkənin nüfuzlu “ALAŞ” Beynəlxalq Ədəbi Mükafatına, Tölegen Ayberqanov Ədəbi Mükafatına və “Gültekin” medalına, habelə Qazaxıstan Mədəniyyət-İdman Nazirliyinin “Fəxri Fərmanı”na da layiq görülüb.

Təbrik edirik!

 


© Müəllif hüquqları qorunur! Mətndən istifadə etdikdə istinad mütləqdir!