Respublika Uşaq Kitabxanası oxucuları cizgi filmlərinə baxmağa dəvət edir

Firudin bəy Köçərli adına Respublika Uşaq Kitabxanası əhalinin koronavirus (COVID-19) infeksiyasına yoluxmaması üçün evdə qaldığı bir vaxtda kiçik yaşlı oxucuları kitabxananın internet ünvanının multimedia bölməsində yerləşdirilən cizgi filmlərinə baxmağa dəvət edir.

Edebiyyatqazeti.az xəbər verir ki, hazırda 68 cizgi filmi oxuculara təqdim olunub. Bunlardan 15-i Azərbaycan Respublikası Mədəniyyət Nazirliyinin və “Azanfilm” studiyasının birgə istehsalıdır.

Cizgi filmlər sırasında “Əlifba” oxucularımıza əlifbanın öyrədilməsində yardımçı olacaq. “Sağlam dişlər”, “Balaca ev”, “Mərhəmətin dadı” və digər cizgi filmlər də uşaqlara fayda verəcək.

Filmlərlə aşağıdakı link vasitəsilə tanış olmaq mümkündür:

http://clb.az/cizgi-filmlri_k42.html