Yazıçı-təcüməçi Əyyub Qiyasla Azərbaycan Dövlət Pedaqoji Universitetinin Şəki filialında tələbələrin görüşü keçirilib

 

Edebiyyatqazeti.az xəbər verir ki, noyabrın 28-də Azərbaycan Dövlət Pedaqoji Universitetinin Şəki filialında yazıçı-tərcüməçi Əyyub Qiyasla tələbələrin görüşü keçirilib.
Görüşü AYB Şəki bölməsinin rəhbəri, tanınmış şair Vaqif Aslan açaraq qonaqları salamlayıb, yazıçının yaradacılığı ilə bağlı tələbələrə məlumat verib. Daha sonra tədbiri aparmaq üçün söz Şəkidə yaşayan tanınmış şair və tərcüməçi Qoca Xalidə təqdim olunub.
Qoca Xalid Əyyub Qiyasın romanları, tərcümələri ilə bağlı ətraflı çıxış edib.

Tədbirdə yazıçının qələm dostu, şair Ehtiram İlham, Şəkidə yaşayan gənc şair, AMEA Şəki Regional Elmi Mərkəzin kiçik elmi işçisi Tural Adışırin də iştirak edib, şeirlərini söyləyiblər. 

Tədbirdə həmçinin ADPU Şəki filialının elmi katibi, filologiya üzrə fəlsəfə doktoru Kamil Adışirinov da görüş barədə öz təəssüratını bölüşüb.

Sonda Əyyub Qiyas dəvətə görə təhsil müəssisənin rəhbərliyinə, müəllim və tələbə kollektivinə və təbdirin təşkilatçısı, AMEA-nın Şəki Regioanl Elmi Mərkəzin "Folklorşünaslıq və el sənətləri şöbəsi"nin rəhbəri, ADPU Şəki filialının baş müəllimi Pakizə Zakirovaya xüsusi tşəkkürünü bildirərək, belə görüşlərin əhəmiyyətini vurğulayıb, tələbələrin suallarına cavab verib, yeni çapdan çıxmış “Ədəbiyyat üzrə Nobel mükafatçılları” antologiyasını avtoqrafla fililalın kitabxanasına hədiyyə edib.

Tədbirin sonunda tələbələr qonaqlarla xatirə şəkilləri çəkdiriblər.