Ankarada Rəşad Məcidin kitabının imza günü keçirilib

 

 Azərbaycan Yazıçılar Birliyinin katibi, “525-ci qəzet”in baş redaktoru, şair Rəşad Məcidin Ankarada “Bir daha gəlməyəcək” şeirlər kitabının imza günü keçirilib.

Avrasiya Yazıçılar Birliyinin təşkilatçılığı ilə reallaşan imza günündə bu qurumun sədri Yaqub Öməroğlu, Azərbaycanın Beynəlxalq Türk Mədəniyyəti Təşkilatındakı (TÜRKSOY) rəsmi təmsilçisi Elçin Qafarlı, Qırğızıstanın Xalq şairi və TÜRKSOY-dakı nümayəndəsi Kojogeldi Kuluyev, tanınmış Azərbaycan şair Vaqif Bəhmənli və Türkiyə ədəbiyyatının tanınmış simaları iştirak ediblər.

Oxuculara hədiyyə olunan kitab Avrasiya Yazıçılar Birliyinin “Bengü” nəşriyyatı tərəfindən çap olunub. Kitabda şairin 250-dən artıq şeiri yer alıb.