Görkəmli dramaturq Cəfər Cabbarlının həyatından və istiqlalçı fəaliyyətindən bəhs edən filmin çəkilişlərinə başlanılıb.
Edebiyyatqazeti.az Azərtac-a istinadən xəbər verir ki, “ARB Aranfilm” Yaradıcılıq Mərkəzi tərəfindən ekranlaşdırılan film C.Cabbarlının Rusiya imperiyası, Azərbaycan Xalq Cümhuriyyəti və sovet hakimiyyəti dövründə ədəbi və siyasi proseslərdə fəal iştirakından bəhs edir.
Filmin rejissoru Babək Abbaszadə, operatoru Rafiq Əliyev, məsləhətçisi professor Asif Rüstəmli, icraçı prodüseri Nicat Məmmədov, bədii rəhbəri Tahir Tahiroviç, prodüseri İqbal Məmmədəliyevdir. Ekran əsərində Cəfər Cabbarlı rolunu aktyor Şəmistan Süleymanlı ifa edir.
Qeyd edək ki, filmin ədibin 120 illik yubileyi ərəfəsində təqdim olunması nəzərdə tutulub.
© Müəllif hüquqları qorunur! Mətndən istifadə etdikdə istinad mütləqdir!
