Həmyerlimiz şair Məmməd İsmayıl sentyabrın 25-dən 30-na qədər Qaradağ respublikasında keçirilien Dünya Şeir festivalında iştirak etmişdir. Bunu edebiyyatqazeti.az-a şairin özü söyləyib.
Festival Rumınya və Qaradağ Mədəniyyət və Turizm nazirliklərinin, eləcə də mərkəzi ofisi Rumınyanın Krayevo şəhərində yerləşən Beynəlxalq Mixail Emuneski və Karadağ Dukla Elm və Sənət Akademiyaları tərəfindən dünyanın ədəbiyyatının önəmli klassikləri arasında yer alan rumın Emunesku ve qaradağlı Neqoşun şərəfinə təşkil olunmuşdu.
Festivalda Yeni Zellandiya, İrlandiya, İtalya, Ukrayna, Türkiyə, Moldova, Macarıstan, Albanya və Kosovadan gələn şairlər iştirak etmişdir. Şairlər oxucularla görüşlərdə şeirlərini öz dillərində oxumuş, sonra isə oxunan şeirlərin tərcümələri səsləndirilmişdir. Məmməd İsmayılın şeirlerini Karadağ ədəbiyyatrının canlı klasiksi Dukla Elm və Sənət Akademiyasının prezidenti akademik Sreten Petroviç tercüme etmişdir. Şairin ölkənin məşhur qiraət ustalarından olan İvona Kovaçın ifasında təqdim olunan ”Tanrı bilər”,”Biz dörd nəfər idik” və “Unutduğun yerdəyəm “ şeirləri dinləyicilər tərəfindən böyük maraqla qarşılanmışdır. Görüşlərdə oxunan şeirlər Qaradağda hazırlanan “Dünya şeir antologiyasında” yer alacaq.
© Müəllif hüquqları qorunur! Mətndən istifadə etdikdə istinad mütləqdir!
